Super Giro Dolomiti
Beim SuperGiroDolomiti hams die Strecken-daten/fakten ganz schön in sich … 212km mit 5.000Höhenmeter und ma sitzt von 7:00 Stunden aufwärts aufn Sattel.
Mei Saison is (bis jetzt) doch a bissl „verseucht“ mit schlechter Leistung, gesundheitlich oder Pech.
Beim SuperDolomiti in Lienz hob i Leistungsmäßig an recht guten Tag kobt, bin jedoch nach ca. 80km, in da Führungsgruppe mit 15Mann zum Sturz kemma! Bei einer Abfahrt in einer Rechtskurve is vor mir a Fahrer gstürzt, wollt nid über ihn „drüber“ fahren und bin Reflexartig rechts an ihm vorbei gfahrn, aber dann is de Leitplanke auf mi zu kommen! Dort bin i halt mit Rad drüber geköpfelt und an Hang danach runter purzelt. Ma konn sagen passiert is ma gar nichts – de bar Schrammen und Prellungen was i jetzt 3Tage danach spür san locker zum aus halten.
Bin also an Hang wieder rauf gstiegen und hob a bissl warten müssn, bis de Rennleitung kommen is und mir as Rad wieder Fahrtüchtig gmocht hat und somit weiter gfahrn.
Bei der nächsten Abfahrt hob i donn aber an Reifenplatzer kobt. Durchn Sturz vorher hat de Bremsdosierung nimma passt … somit is de ganz Bremskraft aufn Vorderreifen gangen und der is donn total überhitzt so dass zum Reifenplatzer kemma is. Konnte mit Glück und Mühe aber an Sturz vermeiden. Hob aber donn ewig warten miassn bis jemand vom Rennservice kemma is, mir an Reifen mit Schlauch austauscht hat. Aufgeben war aber kein Thema, bin oiso de restlichen 100km Voll-gas weiter gfahren.
Tja schade hätt an guten Tag erwischt aber mit Pech zu Sturz kemma, owa es is ma glücklicherweise nix passiert.
Mann des Tages
De Rennleitung hat ja mein Sturz und de Reifenpanne mit kriegt. Genauso homs donn gsehn, dass i trotz allem weiter gfohrn bi und no etliche Fahrer bis ins Ziel überholt hob und no a tadelloses Ergebnis gliefert hob.
Tjo des is wohl auf gfoin und somit bin i bei da Siegerehrung ois „Mann des Tages“ gekürt wordn.
Du musst angemeldet sein, um einen Kommentar abzugeben.