Saisonende mit Kufsteiner Radmarathon
…
Augen zu & zufrieden sei … auslassen & de Saison positiv reflektieren …
De vielen Stunden am Rennrad-sattel san für 2017 „erledigt“ – oder bin i „erledigt“ ?! Beides is super positiv erledigt! Gestern hob i beim KufsteinerLand Radmarathon, mi no amoi über an 2.Platz in da Gesamtwertung gfrein deafn!
Yeeeah so soll/darf de Rennsaison abgschlossn wean! Knapp wars wieder einmal – es war a Ausscheidungsrennen! 50km vorm Ziel – san ma 5Leut an da Spitze gwesn – 40km davor, 4Leut – 30km davor, 3Leut – 20km davor, 2Leut – 10km davor, hmmm … überraschend imma no 2Leut 😉 Noch geradelten 120km is zum Zielsprint kemma und da Stärkere (Mayer Michael) hat mi steh lossen und gwunna! As Wetter war „perfekt“ für´s letzte Rennen – es is kalt gwesen, hat geregnet, somit gibs nix besseres zum Abschluss, als froh zu sein das vorbei is 😀 … najo so schlimm war´s ja eh nid – hat scho passt, ma is jo dementsprechend gekleidet (zumindest i moch´s so 😉 )
Vo nix kommt nix !!! so wor´s bei mir auf jeden Fall. Hob ma heut meine Jahreskilometer an gschaut (oft bi i gfragt worn, wia viel Kilometer das i gfahrn bi … i hob´s owa nid gwusst weil i erst am Ende der Saison mir des on schaun wollt – san ja nur Zahlen und mochn di/mi nid „besser“) Bei denen Radausfahrten wo i mit Radcomputer gfohn bi, spuckts a Zahl mit 15.000km aus! Is eh einiges 😉 … no um einiges Gewichtiger san de Höhenmeter wos i erklommen hob – 36mal aufn Mount Everest rauf, ergibt 315.000hm (wenn er lt. „meiner“ Rechnung 8.750m hoch wäre da Everest 😉 ) … Woooow … oder puuuh is des „kronk“ – i sog amoi beides, den „Vogel“ brauchst um wos zu erreichen im Leben.
Konn oiso mehr ois zufrieden sei mit meiner Leistung im Heurigen Jahr – de Zahlen dazu auf den Ergebnislisten: vo 16 gestarteten Rennen, hob i jedes gefinisht ( einige warn gonz sche hart 😉 ) davon:
2mal 1.Platz
6mal 2.Platz
1mal 3.Platz
In Erinnerung bleibt jedes Rennen, ganz besonders: as Race Across the Alps mit 540km&13.500hm und Platz 10 beim Ötztaler Radmarathon.
Im Training bleibt besonders in Erinnerung: de 18Tage Trainingslager in Teneriffa – unglaublich sche de Insel, landschaftlich so vielfältig – vo kahl und trocken „schiach“ bis lebendig grün und feucht „sche“
Aber JETZT gibs neues/altes. Rauf auf de Berggipfel nach Lust&Laune, oafoch des mochn, wos mi gerade gfreit und wenn´s mal 2Wochn oda no mehr, nur rum liegen is – is a ok.
Trotzdem de Motivation und Freude zum Angriff der „Vision“ (was i vo 3Jahren hatte) is scho da, nur jetzt bzw. dann is nimma de „Vision“ sondern de „MISSION“ es muas umgsetzt wean!
Also mochts es gut – de Homepage geht in den Herbstschlaf.
Danke euch allen für de geteilte Freude mit mir – danke euch für den positiven Zuspruch/Feedback – danke „meinen“ Partnern&Unterstützern – danke meiner Familie&Freunden … und danke dem „Leben“, welches i immer wieder mal „zu wenig“ zu schätzen weiß.
liebe Grüße … Patrick
