Ötztaler 2022

Und wieder geschafft – as 6mal in Folge an Ötztaler in den Top 10 gefinisht. Dieses Jahr war´s mit Platz 8 genau des was i drauf hob. Also die Leistung genauso wie zu erwarten. In meiner Altersgruppe war i am Podest mit Platz 3.

As Rennen war natürlich am Limit und hätt koane Reserven mehr kobt um irgendwo no a bessere Zeit ins Ziel z´bringa. Bin mit einer Taktik ins Rennen gonga und de hob i a umgsetzt. Wollt an vorletzten Berg auf keinem Fall so schnell auffä fohn, dass i nid song hätt kinna „schneller wärs nid gonga“ sondern so oben ankemma das i no „lächeln“ ku bei meiner Verpflegungsstelle. Des um zusetzten is owa nid so einfach, wenn ma im Rennmodus is mit der Ambition – wenn ois perfekt lafft ku ma a gwinna. Weil für dieses Vorhaben hob i de Spitztengruppe mit 15Mann – tjo „einfach“ fahren lassen. I hob mi zrug falln lossn und da Abstand am Jaufenpass somit 2min noch vorne und Platz 20 zu dem Zeitpunkt.

Und des wor klug … jedes moi bei meinen Ötztalern bin i elentigst einbrochen auf´s Timmelsjoch. Do hob i donn imma 5-10min verloren zu der Auffahrtszeit – de i ohne Einbruch schoff. Somit hob i diesen nicht erwünschten Leistungseinbruch nid kobt und hob etliche Plätz auf´s Timmelsjoch gut gmocht und wor bei da Passüberquerung schon am 7. Platz. Einer is donn bergoh no regelrecht vorbei gschossen und somit bin i ois 8er ins Ziel in Sölden gfohn. Owa genauso fertig donn wia de Jahre davor. No amoi de Runde mit 227km und über 5.000hm war i nid dafahren.

Es gehört erwähnt das no nie beim Ötztaler so a starkes Teilnehmerfeld war. Vor mir waren 6 Profi-sportler. Es wead immer wieder heiß diskutiert und a nicht mit „Freuden“ kommentiert das „de“ do mitfohn.

I bin owa wirklich froh drum – des wertet den Ötztaler für mi um einiges auf. Des san genauso Vollblut-sportler wia mia Amateure. Auch wir Amateure, welche an de vordersten Plätzte finishen, miassen brutal viel trainieren und hom an ähnlichen Trainigsummfang in den Sommermonaten wia a Profi. Jo mia miassn nembei arbeiten – da Profi hod owa genauso nembei sein Aufgabenbereich, der erledigt wean muas.

Somit –WellCome the Pro´s

6Pro´s also vor mir und wer is der Amateur vor mir … haaaa so geil Dominik Salcher ausn Brixental, a Freund vo mir der im gleichen Team wia i gstartet is – is 2ter won. Wahnsinn is des, i hob so a Freud mit und für eam. Ein täglicher Strahlemann – immer guad drauf – keine Ausreden wenn´s eam amoi nid so lafft. Eiskoit sei TOP Leistung bracht am Tag X – und der wor gestern beim Ötztaler 2022.

Hätt noch ein Radevent am Radar für heuer – de UCI Amateuer-Weltmeisterschaft in Trento ITA in 3 Wochen. Hob owa a physisches Leiden

, des extremst lästig is. Desweng muas i schaun ob sie des in nächsta Zeit positiv entwickelt.