Arlberg Giro
Zrück zu den Wurzeln … oder zrück zu meinem „emotionalsten“ Sieg, den i 2013 gfeiert hob und gestern wiederholt hob.
Sieg beim Arlberg Giro … WOW is des geil ! 2013 war´s mei erster Sieg im Radsport und des war sehr emotional für mi! War und is a bleibende Erinnerung. Bei dem Event donn wieder zu gwinnen … tjo – do ziehts einem scho de „Gänsehaut“ auf, wenn ma unter tosenden Applaus ois erster de Ziellinie überquert 
Bildquelle: Säly
Wia/wo/wonn/was lief so im Rennen, über 150km/2.500hm:
… Um 6Uhr in da früh (oiso sehr früh – fast no dunkl is gwen) is in St.Anton gstartet wordn. Mit mehr ois 1.000 Teilnehmern – is glei mal sehr zügig zur Sache gongen und aufn Arlberg Pass auffä. Weiter gings donn durch´s Montafon – Richtung Silvreter Hochalpenstraße. Do is donn gscheid bergauf gongen (mein Terrain ) Anfangs vo dem Anstieg – hob i mi gar nid guad gfühlt. Mit da Zeit is da Stein in meinen Oberschenkeln zerbröckelt – oiso es is imma bessa wordn! Oben an da Passüberquerung warn ma no 5 Leut an da Spitze. Zu fünft gings de vableibendn 45km Richtung Ziel …
… ca. 15km vorm Ziel wor donn de Luft in der Gruppe etwas herausn – es is nimma gonz so super, wia de Kilometer davor zomm garbeitet won. I woit aber unbedingt vermeidn – das dadurch, de Fahrer hinter uns, wieda aufschliaßn! Hob oiso donn a „Attake“ gstartet, und de is ma auf gongen, in dem ma koana folgen hod kinna (oder wollte )! … somit Solo, mit Vollgas de restlichn 30min ins Ziel.
„Mei“ heurige Saison, lafft oiso genial – vo den Ergebnissen „recht“ STARK 😉 … konn i des hohe „Niveau“ jetzt no bis zum Ötztaler Radmarathon (mein 2tes Highlight für as 2017er Jahr) halten ?!? … Hmmm – hätt i schon gern ! Mental bin i jetzt aber doch ziemlich ausgelaugt. Is nid so einfach, sich über Monate immer wieder zum Training&Wettkampf zu motivieren! Würd gern mal aufn Berg gehen und nid ständig am Radl sitzen – warum mocht as donn ned, wenn a scho „möchte“ … puuuh do hätt i an Muskelkater der mehr wie extrem wär – Rad fahren und bergab gehen/laufen vertragt si überhaupt nid, wenn ma es nie kombiniert – und für des liegt ma der Ötztaler Radmarathon doch zu sehr am „Herzen“ – das i ez „zu“ locker lass 😉
Aber a bissl a Rennpause werd i ma ez doch gönnen, um vor allem mental wieder „frischer“ zu sein/werden …
cu – Patrick
